கள்ளக்காதலியால் ஒருவர் கொலை

பேருவளை, வலதர பகுதியில் உள்ள வீடு ஒன்றில் நேற்றிரவு (11) இடம்பெற்ற வாக்குவாதம் இரத்த வெறியுடன் முடிவுற்றதாக பொலிஸார் தெரிவித்துள்ளனர். இதில் ஒருவன் கூரிய ஆயுதத்தால் தாக்கப்பட்டு உயிரிழந்துள்ளான்.

காயமடைந்த நபர் வீதியில் விழுந்து கிடப்பதாகக் கூறி பொலிஸாருக்கு வழங்கப்பட்ட தகவலுக்கமைய, அவர்கள் சம்பவ இடத்திற்கு விரைந்து சென்று, உடனடியாக பேருவளை வைத்தியசாலைக்கு கொண்டு சென்றனர். ஆனால் வைத்தியசாலையில் சேர்க்கப்பட்ட பின்னர் அவர் உயிரிழந்துவிட்டதாக உறுதி செய்யப்பட்டது.

முதற்கட்ட விசாரணைகளின்படி, குறித்த நபர் தனது கள்ளக்காதலியுடன் ஏற்பட்ட வாக்குவாதத்தின் போது, அவர் வைத்திருந்த கூரிய ஆயுதத்தால் தாக்கப்பட்டுள்ளதாக தெரியவந்துள்ளது. இந்த தாக்குதலில் 38 வயதான வலதர, பேருவளை பகுதியைச் சேர்ந்த நபர் உயிரிழந்துள்ளார்.

சம்பவத்துடன் தொடர்புடையதாக சந்தேகிக்கப்படும் 42 வயதுடைய பெண் ஒருவர் கைது செய்யப்பட்டுள்ளார். இச்சம்பவம் தொடர்பாக பேருவளை பொலிஸார் மேலதிக விசாரணைகளை மேற்கொண்டு வருகின்றனர்.